Azərbaycanda ilk: Aparıcılar 24 saat efirdə olacaq

Azərbaycanda ilk: Aparıcılar 24 saat efirdə olacaq

Azərbaycan radio tarixində ilk dəfə "Xəzər Hit FM"-in aparıcıları 24 saat canlı efirdə olacaqlar.

Axar.az xəbər verir ki, "6-dan sonra" adlı verilişin aparıcıları Cavid Osmanov, Əhəd Miriyev və Azərin Məmmədli bu gün səhər saat 8-dən başlayaraq canlı efirdə 24 saat veriliş aparacaqlar.

Aparıcılar 1 sutka yatmadan və yalnız kiçik fasilələrə ayrılmaqla dinləyicilərlə bir yerdə olacaqlar. Dünyanın müxtəlif yerlərində bu tipli rekordlar olsa da, ölkəmizdə ilk dəfə olaraq bu tarixi an "Xəzər Hit FM"-də yaşanacaq. Yorulmadan efir aparmaq üçün isə aparıcılar xüsusi hazırlanıblar.

Efir boyunca bir-birindən maraqlı qonaqlarla yanaşı dinləyicilərə bol-bol hədiyyələr təqdim ediləcək.

Qeyd edək ki, Cavid Osmanov, Əhəd Miriyev və Azərin Məmmədli 103 FM dalğasında efirə gedən "6-dan sonra" verlişinin aparıcılardır. Veriliş həftə içi 5 gün, axşam saat 6-dan 8-ə kimi davam edir.