Rusiya Donbası ələ keçirməyə çalışır - Zelenski

Ukrayna Prezidenti Vladimir Zelenski bildirib ki, hazırda Donbasda Rusiya ordusunun ən çox hücumları məhz bu istiqamətdə qeydə alınır.

Ens.az Redaktor.az-a istinadən xəbər verir ki,  bu barədə öz Teleqram kanalında yazıb.

Zelenskinin sözlərinə görə, Rusiya rəhbərliyi Donbasla bağlı planlarını davam etdirir və region üzərində nəzarəti ələ keçirmək niyyətindədir. O həmçinin bildirib ki, Moskva Donetsk Xalq Respublikasının (DXR) tam nəzarətə alınması ilə bağlı planlarını “gecikdirməli olacaq”.

Ukrayna Prezidenti qeyd edib ki, Kiyev münaqişənin başa çatdırılması üçün bütün mümkün təklifləri irəli sürüb, lakin Rusiya tərəfinin hər dəfə bu təkliflərdən imtina etdiyi iddia olunur.

Eyni zamanda, Rusiya Prezidenti Vladimir Putin daha əvvəl müharibənin bitmə tarixini dəqiq deməyin mümkün olmadığını bildirib və cəbhədəki vəziyyətin prosesin yekunlaşmasına yaxınlaşdığını qeyd edib.

Rusiya Müdafiə Nazirliyi isə Donbas istiqamətində, xüsusilə Konstantinovka ətrafında irəliləyişlərin davam etdiyini açıqlayıb. Xarici media isə şəhərin ələ keçirilməsinin qaçılmaz ola biləcəyini yazıb.