“Beşiktaş” Burak Yılmazdan vaz keçdi

“Beşiktaş” Burak Yılmazdan vaz keçdi

“Trabzonspor”un hücumçusu Burak Yılmazın yenidən “Beşiktaş”a qayıdacağı ilə bağlı xəbərlər yayılmışdı.

Faktor.az Türkiyə mətbuatına istinadən xəbər verir ki, baş məşqçi Şenol Günəşin israrla istədiyi təcrübəli hücumçunun transferinə rəhbərlik razılıq verməyib. “Bordo-mavililər”in heyətində ilinə 3 milyon 550 min avro qazanan 33 yaşlı futbolçunun maliyyə şərtləri “qara qartallar”ı razı salmayıb.

İstanbul təmsilçisi bundan sonra hücumçu axtarışları üçün diqqətini Avropa klublarına yönəldəcək.

2006-2008-ci illərdə “Beşiktaş”ın şərəfini qorumuş Türkiyə yığmasının üzvü 2017-ci ildən “Trabzonspor”da çıxış edir. Burak “bordo-mavililər”in heyətində keçirdiyi 25 oyunda 23 qol vurub.