25 may 2020, bazar ertəsi
.
.
chevron_left chevron_right
İDMAN

Çempionlar Liqasının qrup mərhələsinə yüksələn son 3 klubun adı müəyyənləşib

Çempionlar Liqasının qrup mərhələsinə yüksələn son 3 klubun adı müəyyənləşib

Çempionlar Liqasının qrup mərhələsinə yüksələn son 3 klubun adı müəyyənləşib

Futbol üzrə Çempionlar Liqasının qrup mərhələsinə son 3 vəsiqənin sahibi müəyyənləşib.

"Report" xəbər verir ki, "play-off" mərhələsinin cavab görüşlərinin yekununda Hollandiyanın PSV, Portuqaliyanın "Benfika" və Serbiyanın "Srvena Zvezda" klubları bu hüquqa sahib olublar.

PSV "Qarabağ"ı əvvəlki mərhələdə üstələməyi bacarmış Belarus BATE-sini cavab görüşündə də məyus edib. Eyndhoven təmsilçisi Borisovdakı ilk görüşdən 3:2 hesablı qələbə ilə ayrılmışdısa, öz meydanında 3 cavabsız qol vurub.

"Benfika" Yunanıstanda PAOK-la görüşün əvvəllərində hesabda geri düşsə də, tezliklə nəinki bərabərlik qolunu vurub, hətta darmadağına imza atıb - 4:1.

"Srvena Zvezda" isə Avstriyada "Zaltsburq"la matçda 0:2 hesabı ilə məğlub duruma düşməsinə baxmayaraq, geri dönüş etməyi bacarıb - 2:2. Serbiyadakı ilk görüş qolsuz nəticələndiyindən, balkanlılar səfər qolları sayəsində Çempionlar Liqasının qrup mərhələsinə yüksəliblər.

İlk oyun günündə bu vəzifənin öhdəsindən Hollandiyanın "Ayaks", Yunanıstanın AEK və İsveçrə "Yanq Boyz" klubları gələ bilib. Əvəzində Xorvatiya və Ukraynanın "Dinamo", Macarıstanın "Videoton" komandaları ilə yanaşı, Belarusun BATE, Avstriyanın "Zaltsburq" və Yunanıstanın PAOK klubları mübarizəni Avropa Liqasının qrup mərhələsində davam etdirəcəklər.

Çempionlar Liqası, pley-off mərhələsi

Cavab görüşləri

29 avqust

23:00. "Zaltsburq" (Avstriya) - "Srvena Zvezda" (Serbiya) - 2:2

Qollar: Munas Dabbur, 45; 48 (p.) - Əl-Fərdu ben Nebuhan, 65; 66

İlk oyun - 0:0

23:00. PSV (Eyndhoven, Hollandiya) - BATE (Borisov, Belarus) - 3:0

Qollar: Stiven Berqveyn, 14. Luk de Yonq, 36. İrvinq Lozano, 62

İlk oyun - 3:2

23:00. PAOK (Yunanıstan) - "Benfika" (Portuqaliya) - 1:4

Qollar: Aleksandar Priyoviç, 13 - Jardel, 20. Eduardo Salvio, 26; 50 (hər 2-si p.). Pitsi, 39

İlk oyun - 1:1.





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
2014 MU69/Ultima Thule asteroidi - kosmik gəmilərin nə vaxtsa ziyarət etdiyi ən uzaq obyekt. Bu şəkil New Horizons aparatı tərəfindən çəkilib və 6,5 milyard məsafəyə ötürülmüşdür.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X