Gəlişinə qurban olum.

Xanım şairə Rəna Əlisaqızından yeni şer.

Yalqız keçər gecələrim,

Bihuş olar Ay, Qəmərim,

Gözləyirəm, gəl əsmərim,

Gəlişinə qurban olum.

 

Otür illər, ötür zaman,

Təkcə mənəm sənə yanan,

Bir Allaha qalıb güman,

Gəlişinə qurban olum.

 

Saf eşqimlə çağlamışam,

Sənə könül bağlamışam,

İçin-için ağlamışam,

Gəlişinə qurban olum.

 

İtirmərəm imanımı,

Dinlə sevgi kamanımı,

Puç eyləmə gümanımı,

Gəlişinə qurban olum.

 

Daş dəyməsin ayağına,

Gülüm, baxım yanağına,

Rəna çıxıb qabağına,

Gəlişinə qurban olum.