27 may 2020, çərşənbə
.
.
chevron_left chevron_right
AZƏRBAYCAN

Gürcüstanda ilk dəfə Azərbaycan və gürcü dillərində iki jurnal çapdan çıxıb

Gürcüstanda ilk dəfə Azərbaycan və gürcü dillərində iki jurnal çapdan çıxıb

342 Baxış
Gürcüstanda ilk dəfə Azərbaycan və gürcü dillərində iki jurnal çapdan çıxıb

Tbilisidə Azərbaycan və gürcü dillərində ilk dəfə nəşr olunan "Şəfəq-Sxivi" və "Körük" jurnallarının təqdimat mərasimi olub.

"Report"un Gürcüstan bürosu xəbər verir ki, Gürcüstan Yazıçılar Birliyində (GYB) keçirilən tədbirdə Azərbaycan və Türkiyədən yazıçılar, ictimaiyyət nümayəndələri, Kvemo Kartli-Borçalı bölgəsi qubernatorunun müavini Zaur Darğallı və digər rəsmi şəxslər iştirak ediblər.

GYB-nin sədri Bağatur Arabuli Azərbaycan və Gürcüstan arasındakı dostluq əlaqələrindən danışıb, Tbilisidə Azərbaycan dilində belə bir jurnalların dərcini mühüm hadisə adlandırıb. Bildirib ki, GYB-də Azərbaycan bölməsinin yaradılması, Azərbaycan Respublikasının Nazirlər Kabineti yanında Tərcümə Mərkəzinin direktoru, professor, yazıçı Afaq Məsudun iştirakı ilə Tbilisidə "Müasir Azərbaycan nəsr antologiyası" kitabının təqdimatının keçirilməsi, şair və yazıçıların əsərlərinin Azərbaycan və gürcü dillərinə tərcümə olunması ölkələrimiz arasında mədəni əlaqələrin yüksək səviyyədə olmasından xəbər verir. O, bu münasibətlərin daha da genişlənməsi, Azərbaycan və gürcü gənc şair və yazıçılar arasında əlaqələrin inkişaf etdirilməsi üçün layihələr hazırlandığını bildirib.

GYB-nin sədrinin sözlərinə görə, "Şəfəq-Sxivi" jurnalının ilk nömrəsində Azərbaycan yazıçıları ilə yanaşı, gürcü klassiklərindən Vaja Pşaveli, poeziya incilərindən Qalaktion Tabidze, tənqidçilərdən Zaal Borkoveli və başqalarının əsərlərinin Azərbaycan dilinə tərcümə olunması gürcü ictimaiyyəti tərəfindən yüksək qiymətləndirilib.

GYB-dəki Azərbaycan bölməsinin rəhbəri, yazıçı-publisist Allahverdi Təhləli jurnalın ərsəyə gəlməsində əməyi olan hər bir şəxsə minnətdarlıq edib.

Kvemo Kartli-Borçalı bölgəsi qubernatorunun müavini Zaur Darğallı çıxış edərək Azərbaycanda gürcü ədəbiyyatının, eləcə də Gürcüstanda Azərbaycan mədəniyyətinin eyni dərəcədə sevildiyini bildirib. 





Diqqət! Ens.az saytına məxsus materiallardan istifadə edərkən hiperlinklə istinad edilməlidir. Mətndə səhv tapdıqda, onu seçib ctrl + enter düyməsini basaraq bizə göndərməyinizi xahiş edirik.


Android ƏS olan smartfonunuz varsa, xəbərləri daha rahat oxumaq üçün bu linkə keçərək Play Store mağazasından Ens.az proqramını endirib quraşdıra bilərsiniz.


VİDEO QALEREYA
Arılar heç vaxt yatmır.
Emosiya ilə reaksiya ver!
  • 0
  • 0
  • 0
  • 0
  • 0
  • 0 Şərh
  • anonymous user
    Şərhi göndər
  • DAHA ÇOX NƏTİCƏ YÜKLƏ
Oxşar xəbərlər

X