İranda çayın qiyməti bahalaşdı

İranda çayın qiyməti bahalaşdı

İranın İqtisad Şurasının qərarına əsasən 1 kq 1-ci dərəcəli çayın qiyməti 20% bahalaşaraq 37,2 min riala (təxminən 0,88 dollar) çatıb.

Trend-in məlumatına görə, bunu İranın Çay Təşkilatının sədri Həbib Cahansaz jurnalistlərə verdiyi açıqlamada deyib.

H.Cahansazın sözlərinə görə, 2-ci dərəcəli çay isə 21% bahalaşaraq 18,4 min riala (təxminən 0,44 dollar) çatıb.

 

İqtisad Şurası tərəfindən çayın qiymətinin cüzi şəkildə artırılmasından gileylənən təşkilat sədri bu qiymətin real olmadığını deyib:

“Çayın qeyri-qanuni şəkildə ölkədən çıxarılmasının qarşısını almaq və devalvasiyaya görə qiyməti daha çox bahalaşmalı idi”.