Klublarımız Avroliqada məyus etdilər
Bu gün Azərbaycan klubları futbol üzrə Avropa Liqasının 1-ci təsnifat mərhələsinin ilk oyunlarını keçiriblər.
Oxu.az-ın məlumatına görə, Premyer Liqamızın gümüş mükafatçısı “Qəbələ” öz meydanında Lüksemburqun “Proqres” klubunu qəbul edib. Gözlənilənlərin əksi olaraq, təmsilçimiz doğma azarkeşlər qarşısında 0:2 hesabı ilə məğlubiyyətə uğrayıb.
Azərbaycanı bu turnirdə təmsil edən “Keşlə” isə Malta “Baltsam”ının qonağı olub. Oyun meydan sahiblərinin inamlı qələbəsi ilə yekunlaşıb – 4:1.
“Neftçi” isə sözügedən turnirdə Bakıda Macarıstan “Uypeşt”ini qəbul edir. Hazırda ikinci hissə davam edir, hesab 1:1-dir.
Birinci təsnifat mərhələsinin cavab oyunları 1 həftə sonra baş tutacaq.
Şərhlər
Şərhləri göstər Şərhləri gizlət