Qadınlar arasında voleybol üzrə dünya çempionatında Azərbaycan yığmasına rəqib komandanın heyəti açıqlanıb

Qadınlar arasında voleybol üzrə dünya çempionatında Azərbaycan yığmasına rəqib komandanın heyəti açıqlanıb

Dünya çempionatının qrup mərhələsində Azərbaycan yığmasının ilk rəqibi olacaq ABŞ-ın qadın voleybolçulardan ibarət yığmasının heyəti açıqlanıb.

AZƏRTAC ABŞ qadın voleybol yığmasının heyətini təqdim edir: əlaqələndirici – Karli LLoyd, Mişa Henkok; hücumçular – Karsla Lou, Kelli Merfi, Mişel Bartç-Hekli, Kim Hill, Cordan Larson, Sara Uilhayt Parsons; blokçu – Reyçel Adams, Foluke Akinradevo, Tori Dikson, Loren Qibbemayer; libero – Meqan Kortni, Kelsi Robinson.

Xatırladaq ki, Foluke Akinradevo “Telekom”un sabiq oyunçusudur.

Qadınlar arasında voleybol üzrə dünya çempionatı 24 milli yığma komandanın iştirakı ilə sentyabrın 29-dan oktyabrın 20-dək Yaponiyanın 6 şəhərində keçiriləcək. Yaponiya bu tədbirə beşinci, son 12 ildə isə üçüncü dəfə ev sahibliyi edəcək.